Eqqussuineq,
nioqqutissiorneq atuinerlu
Uani
sammineqarpoq kisitsisit atorlugit nalunaarsuusiornermi imigassaq qanoq
annertutigisoq Kalaallit Nunaannut eqqunneqartartup aammalu nunap iluani
sananeqartartut nioqqutissiarineri. Imigassamut pilersuineq qampq
annertutigisumik imertoqartarneranut naatsorsuutitut atorneqassappat
eqqaamaqquneqarpoq, pilersuinerup atuinerullu akornanni pissutsit
ataqatigiinneranni paasiuminaattoqarsinnaammat.
· Inuit nammineq immiortarnerat:
Inuit nammineq immiortarnerata atuinerup pilersuinermiit annertuneruneranik
kinguneqarsinnaavoq. Kalaallit Nunanni nammineq immiortarnerup annertussusaa
erseqqissaasutitaqanngilaq.
· Toqqorsivimmut/ quersuarmut
pisiniarneq: tamanna ilaatigut Kalaallit Nunaanni sunniuteqarpoq, uani
eqqartorneqarpoq inuiaqatigiit ikitsunnguunnerat pissutaallini assartuinermi
unammillernartoqarsinnaasarnera, taamaasillunilu sillimasariaqartarneq. Tamanna
atuinermut allannguinngilaq, kisianni eqqussuinermi ukiumiit ukiumut allanngorarnerinut
sunniuteqarsinnaavoq.
· Nioqqutissat pisoqalisimasut
imaluunniit aserorsimasut maanngaannartut: Tamanna sunniutaagajuppoq
pingaartumik ataatsimut annertussuseq isiginiassagaanni, kisianni soorunami
nalunaarsuutimut annikikkaluamik sunniuteqarsinnaavoq kommunenili ataasiakkaani
nioqqutissat immikkoortitat annertusippata ass. nalaatsornikkut ajutoorsimasut
imalunniit aserorsimasut naatsorsuutinut sunniuteqarsinnaasarput.
· Eqqunneqartut
nalunaarutigineqanngitsut (netto-grænsehandel): Nunamiit nunap sanilianut
ajornannginnerusumik isersinnaaneq, imigassap assigisaalu nunami allami
akikinneruppata eqqussuinermit annertunerusumik atuisoqarsinnaavoq. Tamanna
Kalaallit Nunaanni akitsuutsip qaffasinnera pissutaalluni sunniuteqarsinnaavoq
– Kisianni Kalaallit Nunaata inissisimanera pissutaalluni taamaallaat
tikiffigineqarsinnaasut ikitsuinnaapput.
· Nunat assigiinngitsut akornanni
mittarfeqarfinni akitsuusigaangitsumik pisiniarneq: Tamanna naatsorsuinermut
ilaanngilaq, periaaseq taanna nuna avannarlerni atuuppoq.
· Takornariat, tikeraat imaluunnit
ukiup ilaatigut sulisartut atuinerat: Takornariat, tikeraat imaluunnit ukiup
ilaatigut sulisartut imigassamik atuinerat erseqqissarneqanngilaq. Kommune
amerlasuunik takornarialik, takeraalik imaluunniit ukiup ilaatigut
suliartortullik inummut ataatsimut annertunerusumik pilersorneqarsinnaavoq,
kommunemut allaniit takornariakinnerusumut, tikeraakinnerusumut imalunniit
ukiup ilaatigut sulisartukinnerusumut sanilliullugu.
Eqikkaanermi
imaappoq, nalunaarsuutini Kalaallit Nunaannut imigassamik eqqussineq aammalu
nunap iluani sananeqartartut tunisassiarineqartut qularnanngitsumik atuinerup
annerpaatarivaa. Naatsoruinermi pissutsit taaneqartut pissutaallutik atuinerup
pilersuinerullu qanoq nikingatiginerat eqqortumik oqaatigineqarsinnaanngilaq.
Periaaseq
paasissutissiornerlu
Imigassat
pillugit kisitsisitigut paasissutissiornermi kisitsisit atorneqartut
akileraaruseruffimmit Toldfunktion Aalborgimiittumit tunngavilersorneqarput.
Nalunaarusiat Akilereeartanermut Aqutsisorfimmut Nuummiittumut
ingerlateqqinneqartarput. Tassanilu naatsorsueqqinneqareerlutik
suliareqqinneqareerlutillu Naatsorsueqqissaartafimmut ingerlateqqinneqartarput,
nalunaarsuutimut inaarutaasut suliareqqitassatut isumagalugu tamanut
saqqummiunnissaanut Naatsorsueqqissaartarfimmit isumagineqartarpoq.
Naatsorsuinermi ukiumoortumik imigassamik pilersuinermi inummut ataatsimut
15-ileereersimasumut katitat agguaqatigiissinnerannut atorneqarpoq,
inuiaqatigiit tunuliaqutaralugit naatsorsuutit inernerat innuttaasunut
kisitsisitigut paasissutissaneersuupput, innuttaasut amerlassusaanut tunngasut
Naatsorsueqqissaartarfimmi pissarsiarineqarsinnaapput.
Imigassat
immikkoortillugit akitsuutaanik paasissutissani (afgiftsgruppestatikken)-[1], imigassap aalakoornartutaata
katinneqarnera, takuneqarsinnaavoq. Imigassaq eqqussaq akileraarutaasussaq
aamma Kalaallit Nunaanni suliffeqarfinnit tunisassiaq naatsorsuinerni
atorneqarput, mittarfinni akileraarutitaqanngitsumik nioqqutit aamma
umiarsuarnut nunanut allanukartussanut pilersuinerit ilaanngillat. Nunani
avannarlerni periaaseq naapertorlugu atorneqarpoq. Saqqummersitani siullerni
kisitsisit Naqqinneqarsinnaapput.
Kisitsisit
atorlugitpaasissutissiornerminunat assigiinngitsut akornanni najoqqutassat
atorneqarput, imigassat baaja, viinni imigassarlu sakkortuumut
agguarneqarlutik. Taakku nassuiaaserneqarput imigassaq aalakoornartutalik
procentimut sakkortussusaat tunngavigalugu:
Baaja:
9,09 ataallugu procentimut sakkortussusaa
Viinni: 9,10 – 15,09 procentimut sakkortussusaa
Viinni akusaq: 15,10 – 35,09 procentimut sakkortussusaa
Imigassaq kimittooq: 35,10 sinnerlugu procentimut sakkortussusaa
Imigassap aalakoornartua
naatsorsugaavoq literimut imigassamut akuitsumut, imigassat aalajangersimasut
qanoq annertutigisumik aalakoornartumik imaqarnersut
immikkoortiterneqarsimanerat najoqqutaralugu. Imigassap aalakoornartua
agguaqatigiissitsinikkut naatsorsugaavoq, takuuk takussutissiaq 1. Immikkut
maluginiaqquneqarpoq alcopopsit aamma alkoholsodavandit baajanut
ilanngunneqarsimanerat, taakku inuusuttut akornanni piffissami kingullermi
alutorineqarluarput.
Takussutissiaq 1. Oqimaalutaanermut tunngasut
Imigassap suussusaa |
Suussutsit itisilernerullugit |
Aalakoornartoq procentinngorlugu |
Oqimaalutaaneq |
Akitsuusersuinerup inissisimanera |
Akitsuusersorneri kr.-inngorlugit |
Baaja |
Baaja kimikitsoq |
1,21-3,09 |
2,150 |
11 |
3,19 |
|
|
3,10-4,09 |
3,595 |
12 |
6,95 |
|
Baaja nalinginnaasoq |
4,10-5,09 |
4,595 |
13 |
18,45 |
|
Baaja kimittooq |
5,10-7,09 |
6,095 |
14 |
25,84 |
|
|
7,10-9,09 |
8,095 |
15 |
37,04 |
Viinni |
Viinni |
9,10-11,09 |
10,095 |
16 |
47 |
|
|
11,10-13,09 |
12,095 |
17 |
54 |
|
|
13,10-15,09 |
14,095 |
18 |
75 |
|
Viinni akusaq |
15,10-18,09 |
16,595 |
19 |
92,47 |
|
|
18,10-22,09 |
20,095 |
20 |
118,6 |
|
|
22,10-26,09 |
24,095 |
21* |
150,12 |
|
|
26,10-30,09 |
28,095 |
22* |
184,26 |
|
|
30,10-35,09 |
32,595 |
23* |
224,46 |
Imigassaq kimittooq |
Imigassaq Kimittooq |
35,10-45,09 |
40,095 |
24 |
289,21 |
|
|
45,10-60,09 |
52,595 |
25 |
396,77 |
|
|
60,10 -100,00 |
80,050 |
26 |
472,97 |
* Imigassap pingasunut immikkoortitersimasut Akileraartarnermut Pisortaqarfimmit imigassamut kimittuumut ilanngunneqartarput. Saqqummersitami uani viinninut akusanut ilanngunneqarput. |
[1] Imigassaq aalakoornartoq literimut = Imigassaq aalakoornartortalik literimut x oqimaassusaa/100. Takussutissiaq 1 takuuk Oqimaalutaanermut tunngasut.